OpenAI hefur veitt Umbru – þjónustumiðstöð Stjórnarráðsins og netöryggissveitinni CERT-IS aðgang að sérhæfðu netöryggislíkani. Það er hluti af Daybreak sem OpenAI hefur byggt upp til að vinna að netvörnum.
Í tilkynningu á vef stjórnarráðsins segir að slíkur aðgangur sé aðeins veittur að undangengnu mati í gegnum Government Trusted Access for Cyber. Nota á aðganginn til að byggja upp þekkingu og reynslu á nýrri tækni sem getur styrkt netvarnir og öryggi stafrænnar þjónustu ríkisins. Merki OpenAI.AP / Michael Dwyer