Icelandair hefur áætlunarflug á milli Akureyrar og Tenerife á Kanaríeyjum næsta vetur. Flogið verður einu sinni í viku á þriðjudögum frá 19. október 2027 til 18. apríl 2028.
Þetta kemur fram í tilkynningu frá flugfélaginu.
„Þetta er í fyrsta sinn sem við bjóðum upp á beint áætlunarflug út í heim frá Akureyri, en áður höfum við boðið upp á leiguflug þaðan. Nú er hægt að fara beint af skíðunum í sólina á Tenerife, án þess að fara fyrst suður. Við vonum að þessari nýjung verði tekið fagnandi,“ er haft eftir Boga Nils Bogasyni, forstjóra Icelandair.