Greiða 248 milljónir fyrir Tækniskóla sem aldrei varð

Hafnarfjarðarbær og Tækniskólinn hafa náð samkomulagi um skiptingu á þeim kostnaði sem til kom vegna undirbúnings á uppbyggingu Tækniskólans við Flensborgarhöfn.

Alls mun Hafnarfjarðarbær greiða 248 milljónir fyrir sinn hlut. Ekki kemur fram hver hlutur Tækniskólans verður.

Í sameiginlegri tilkynningu Tækniskólans og Hafnarfjarðarbæjar segir að nauðsynlegt hafi verið að horfa til hönnunarkostnaðar, greiningarvinnu og úttekta sem ráðist var í á undirbúningsstigi.

Áður höfðu Hafnarfjarðarbær og Tækniskólinn tilkynnt að unnið væri að samkomulaginu eftir að ljóst varð að Tækniskólinn myndi ekki rísa í Hafnarfirði. Hætt var við byggingu skólans eftir að bærinn stóð ekki við skuldbindingar sínar um að útvega skólanum lóð.

Talið er að bygging skólans tefjist um allt að tvö ár vegna málsins.

Tækniskólinn leitar enn að endanlegri lóð eftir að viðræður við Hafnarfjörð sigldu í strand haustið 2026.

Að minnsta kosti níu sveitarfélög víða um land hafa boðið skólanum land; meðal þeirra eru Akureyri og Akranes, Selfoss, Reykjanesbær, Borgarfjörður og Reykjavík og stjórnendur skólans eiga nú í viðræðum við borgina.

Mögulegt er að endanleg staðsetning skólans verði í Úlfarsárdal eða í Keldnaholti.


Discover more from UM LEGACY PRESS LTD

Subscribe to get the latest posts sent to your email.